پهیامی کومیتهی گشتیی کۆمهڵهی کولتوری کوردی له نۆڕوێژ بهبۆنهی 8ی مارس
بهبۆنهی 8ی مارس ڕۆژی جیهانی نێونهتهوهیی ژنان جوانترین چهپکه گوڵی پیرۆزبایی خۆمان پێشکهش به ژنانی ئازادیخواز بهگشتی و یهکیهتی ژنانی دێمۆکڕاتی کوردستانی ئێران، که نوێنهرایهتی بهشێکی بهرچاوی بزووتنهوهی دێمۆکڕاسیخوازی و مافویستی ژنانی کوردستان دهکات، بهتایبهتی دهکهین و ههروهها له ڕێگای ئهو تریبوونه ئازادی ئێوهی بهڕێزهوه که له پێناو بهختهوهری و ئامانجه سیاسی و کۆمهڵایهتیهکانی ژناندا هاتۆتهئاراوه بۆ جارێکیتر لایهنگری و پشتیووانی کومیتهی گشتیی کۆمهڵهی کولتوری کوردی له نۆڕوێژتان پێڕادهگهیهنین.
ههرلهوکاتهشداهیوادارین بیرهوهری 8ی مارسی ئهو ساڵ، ههلێکی گونجاو بێت له پێناو گهشهکردن و بههێزبوونی رهوتی پێشکهوتنخوازانهی بزووتنهوهی بهرینی یهکیهتی ژنانی دێمۆکڕاتی کوردستانی ئیران بهمهبهستی نیزیک کهوتنهوه له ئامانجهکانتان. دیاره کاتیک ڕێکخراوهیهکی مهدهنی زهمینهی پهرهگرتووی له تهواویهتی خۆیدا بۆ پێک دێت و له ههموو بوارێکدا پهرهدهستێنیێ که بتوانێت کهڵکی پێویست له ههموو شێوه و فۆڕمهکانی خهباتی مهدهنی وهرگرێت و ئهو سهرمایه ماددی و مهعنهویه بهشهریهی که له بهردهستی دایه کهڵکی شیاوی خۆی لێوهربگرێ و ههروهها مێتۆد و میکانیزمی کارکردن بهمهبهستی کاراکردنی ههموو ئهندامهکانی که به شێوهیهکی سیستماتیک له پێناو ئامانج گهلێکی گشتی دا ڕێکخراون پیادهبکات . بۆ ئهو مهبهستهش رهوتی ئاڵوگۆڕهکان له ڕۆژههڵاتی کوردستان دا ئهرکێکی گرینگ و ههستیار دهخاته سهر شانی یهکه یهکهتان . ههربهو پێهش بهرنامهی چالاک کردنی ژنانی تێکۆشهری ڕێگای خهباتی سیاسی و کۆمهڵایهتی، ڕاستهوخۆ بهستراوهتهوه به ههلو مهرجی کارکردنی ئێوه که بهچ شێوهیهک بتوانن له دهوری ڕێکخراوی ژنان دا کۆیان بکهنهوه و کهڵکی دروست له هێز و توانای ههریهک له ئهندامهکانتان وهربگرن . ئێوه کاتێک دهتوانن له ئامانجهکانتان له ڕێگای ئهو بزووتنهوه شۆڕشگێریهوه نیزیک بکهونهوه که ههماههنگی و بهرنامهی شیاو وگونجاو بۆ ههر قۆناخێک له جووڵانهوهی بهربڵاوی ژنان دابڕێژن و له ههر جۆره چهمکێکی بههێزکردنی بزووتنهوهکه ئیستیفاده بکان و له رووی هزریهوه دهستهوستان نهمێنهوه له بهرانبهر ههرجۆره بهرهوروبوونهوهیهکی سیاسی و کۆمهڵایهتی که له داهاتووی سیاسی وڵات دا قورسایی خۆی بخاته سهر رێبازی گشتی و ئامانجه کانتان. دیاره تێگهیشتن و خوێندنهوهی بیرو فیکری ههر تاکێک له سهر ئهساسی بهرچاوروونانه و تاوتوێکردنی مهسهلهکانی پهیوهندیدار بهبزووتنهوهی مافخوازانهی ژنان، بهبێ هیچ جۆره ههڵاواردنێکی سیاسی و کۆمهڵایهتی دهتوانێ زامنی گهشهکردن و بهرهوپێشچوونی ڕێکخراوهکهتانبێت. لهلایتریشهوه دهتوانین به دڵنیایهوه ئاماژه به ڕۆڵی ئێوه ژنانی تێکۆشهری کورد بدهین و به گهشبینیهوه بڵێین که بههۆی ئهو ههموو دیقهت و وردهکاریهیی که به درێژای تهمهنی یهکیهتی ژنانی دێمۆکرات له ئهنجامی ههڵسوڕانی بهردهوامدا بووتانه، توانیوتانه پانتایهگی گهورهی سیاسی و کۆمهڵایهتی بۆ خۆتان بگرن و ژمارهیهکی بهرچاو له ژنانی ئازا و شۆڕشگێر له دهوری بهرنامهکهتان که ڕهنگدانهوهی بیروڕای ههموو لایهکه کۆبکهنهوه.
ئهگهر یهکیهتی ژنان له دهرهوه و نێوخۆی وڵات، دهوری ئهرێنی له وهسهریهکخستنی ههموو وزهوتوانا شاراوهکانی بواری خهباتی یهکسانی ژنان له ڕۆژههڵاتی کوردستان دا بگێڕن، بێگوومان دهرهتانی ئهوهتان بۆ پێکدێ کهبتوانن دهوری بهرچاو و دیارتان له سهر روداوهکانی وڵات ههبێ و لهسهر بنهمای باوهر بهخۆبوون و ههروهها بهچاوی گهشبینی بۆ داهاتووی ههڵسوڕانی تێکۆشانی سیاسی و کۆمهڵایهتی روانینتان و ههنگاوی خێرا هاویشتن لهوزهمینهیهدا لهسهر ئهساسی بنهمای بهرنامهی شیاو که ڕهنگدانهوهی ویستی ههر ژنێکی ئازادیخوازه له کوردستان ، دهکرێ بکهنه دهستمایهی ههوێنی ستڕاتیژی تازهی خهبات له پێناو ئامانجه گشتیهکان دا.
دیاره پێداچوونهوه و ههڵسهنگاندنی لایهنهکانی شۆڕشی قوڵی سیاسی وکۆمهڵایهتی که سوژهی سهرههڵدان و بهرهوپێشچوونی توانی له بهرژهوهندی مافی ژنانی چهساوهدا هێڵهگشتیهکانی مێژووی جیهانی بگۆڕێت، ئامانجی ئهساسی له دهست پێکردنی ئهو ڕاپهڕینه بهرین و نوێهدا، له ڕاستی دا نههێشتنی نابهرانبهری و ناعهداڵهتی ئابووری له نێوان پێک هاتهکانی کۆمهڵ به ههردووڕهگهزی ژن و پیاو بوو. داخوازی ژنانی کرێکار له حکوومهت و دامودازگا پهیوهندیدارهکان به له بهرچاوگرتنی ههقدهستی کار که بهرتهقای ژیان و گوزهرانی ڕۆژانهی ههموولایهک بێ و ، کهمکردنهوهی سهعاتی کارکردن له کارخانهکان دا و بنهبرکردنی ههر جۆرهیاسایهکی چهوسێنهرانه له خێزان و کۆمهڵ دا. دیاره هاتنهمهیدانی ژنان بۆ داواکردنی مافی خۆیان له مێژوو دا ههم شتێکی کهم وێنه بوو و ههمیش بوو به سهرهتای بزووتنهوهیهکی بهربڵاوی جیهانی که بۆ یهکهم جار له وڵاتهیهکگرتووهکانی ئهمریکا سهری ههڵدا که پاشان بههۆی ڕادیکاڵبوونی شیعار و ئامانجهکانی ڕاپهڕینی شێره ژنانی خهباتگێڕ، ئهو شنهبای یهکسانیهی که ئاکامی خهباتی ئهوان بوو ،بهشێکی بهرچاوی دونیای گرتهوه و بوو بهههوێنی جووڵانهکانیتری جیهان له پێناو مافی رهوای ژنان دا.
بێگومان چالاکی و ههڵسوڕانی بهربڵاوی یهکیهتی ژنانی دێمۆکڕات له ئاستی نێو خۆ و دهرهوهدا،توانیویهتی شوێنی دیارو بهرچاو له سهر ئاستی وشیاری سیاسی و کۆمهڵایهتی بزووتنهوهی نوێخوازانهی ژنانی ڕاپهڕیو دابنێ و زیاتر له ساڵانی پێشوو هاندانی هاتنهمهیدانی بهکردهوه یان بدات.
له کۆتایی دا هیوای سهرکهوتن بۆ ههموو لایهکتان دهخوازین.
کومیتهی گشتیی کۆمهڵهی کولتوری کوردی له نۆڕوێژ
08.03.10
ناردنی ههواڵ به ئیمێل
چاپكردنی ههواڵ
تهنها به تێکست